【犀利啊】馬壯黎諾懿後年搬入西半山豪宅

喺《愛回家》入面嘅最接近神嘅男人-馬壯黎諾懿,喺2014年11月同家族背景億億聲嘅李潔瑩 (Nicole) 結婚後,立即喺一夜之間變身「五億駙馬」。佢地嘅婚後生活都幾美滿架,有時就去行下山,又一齊去布吉島,三個月前去咗日本札幌補渡蜜月㖭。

婚後一直住喺西貢村屋嘅黎氏夫婦,700呎都夠兩口子加隻狗住嘅,不過Nicole未嫁前其實同屋企人住君頤峰架。有報導指因為Nicole 家人覺得屈就咗個女,又驚諾懿做藝人工作唔穩定,所以就寧願送豪宅畀佢哋住。佢哋早前就一行四人去咗睇示範單位,而佢哋睇嘅係位於西半山羅便臣道嘅新盤帝匯豪庭,外父外母仲豪摘四千萬將四房單位入手,等佢哋有愛個新愛巢,2018年就入得去住架啦。據知其實外父外母都試過說服佢哋搬返何文田嘅君頤峰住架,不過諾懿就想同老婆過二人世界,咁最後先出此下策嘅姐。

不過被問到諾懿係咪有此事,佢只係話四人去睇樓,不過就係認睇啱等價低入市喎。都啱嘅,神之馬壯黎架嘛,佢實有辦法嘅!豪宅


資料來源:香港新浪網
标签: 豪宅
评论: 0 | 引用: 0 | 阅读: 856